Кина ја одобри изградбата на најголемата хидроелектрична централа во светот, започнувајќи амбициозен проект на источниот  дел на Тибетската висорамнина, што може да влијае на милиони луѓе низводно во Индија и Бангладеш.

Браната, која ќе се наоѓа во долниот тек на реката Јарлунг Зангбо, би можела да генерира 300 милијарди киловат-часови електрична енергија годишно, според проценката на Power Construction Corp of China во 2020 година.

Тоа би било три пати повеќе од проектираниот капацитет на браната Три клисури од 88,2 милијарди kWh, моментално најголемата во светот, која е во централна Кина.

Проектот ќе игра голема улога во исполнувањето на целите на Кина за постигнување максимална јаглеродна и јаглеродна неутралност, ќе ги стимулира поврзаните индустрии како што е инженерството и ќе создаде нови работни места во Тибет, објави во средата официјалната новинска агенција Ксинхуа.

Дел од реката Јарлунг Зангбо се спушта на драматични 2.000 метри на кратко растојание  од 50 километри, нудејќи огромен хидроенергетски потенцијал, како и уникатни инженерски предизвици, пренесува ФЕНА.

фото freepic