Lifestyle
ПРАЗНИЦИТЕ СЕ ПОВОЛНА МОЖНОСТ ЗА САЈБЕР ИЗМАМНИЦИТЕ
22.12.2024
Новогодишните празници се идеална можност за измамниците на социјалните мрежи кои се обидуваат да ја искористат невнимателноста на луѓето при онлајн пазарењето. Експертите за сајбер безбедност од компанијата Касперски идентификувале неколку покарактеристични видови на интернет измами кои се насочени кон потенцијалните потрошувачи во различни региони и на различни јазици.
Португалската измама со празнични рецепти. Оваа измама главно е насочена кон корисниците во Бразил. Почнува со испраќање на порака на мејлот на жртвата а која се однесува за промовирање на рецепт за празничен колач. За тоа се бара минимална уплата за да се добие рецептот. Но по извршената уплата, податоците од кредитната картичка се преземаат и потоа се празни банкарската сметка.
Лажни празнични онлајн продавници -Тоа се лажни сајтови кои ги имитираат оригиналните веб страни на познати брендови, нудејќи сезонски попусти или новогодишни украси. Овие страни се прилагодени на локалните јазици и на националната валута на потенцијалните купувачи.
Бесплатни мобилни податоци и услуги се однесуваат на привлекување на лицата со ширење на промовтивен линк или маркетинг порака на 10-15 други корисници. Откако ќе се направи тоа од корисниците се бараат да внесат лични податоци: име, презиме, број на телефон и мејл. Овие податоци подоцна се продаваа на дарк веб или се користат за други намени.
Меѓу празничните сајбер измами се и пристигнуваљње на лажни пораки користејќи ги називите на официјални државни институции, како и за лажни наградни игри за добивање на луксузни предмети и автомобили, како и за добивање на лажни поштенски пратки, пренесува „Бизнис и финансии“.
фото freepic