Lifestyle
Функционалност надградена со вештачка интелигенција: Galaxy S24 FE и Galaxy Tab S10
27.11.2024г
Samsung секогаш ги поместува границите со своите нови уреди, обидувајќи се максимално да ја искористи функционалноста на вештачката интелигенција и да ја прилагоди кон потребите на своите корисници. Токму тоа е карактеристично за неодамна претставениот телефон Galaxy S24 FE кој плени со своите перформанси на камерите и гледачкото искуство, и серијата таблети Galaxy Tab S10 кои ќе ви овозможат одлична поддршка за вашата продуктивност во работата.
Телефон со импресивен систем од камери и одличен екран за долго гледање
Galaxy S24 FE се издвојува со својот динамичен 6,7-инчен AMOLED 2X дисплеј, со импресивна стапка на освежување од 120 Hz, обезбедувајќи непречено и јасно искуство со приказот. Без разлика дали гледате видеа, прелистувате социјални мрежи или играте игри, јасните бои и беспрекорниот приказ придонесуваат за врвно мобилно искуство каде секој детал на екранот доаѓа до израз.
За уште подобар ефект, подобрени се перформансите на уредот; доаѓа со батерија со капацитет од 4700 mAh за безгрижна целодневно користење, како и пасивен систем за ладење, кој го одржува удобно ладен уредот дури и за време на долги периоди на репродукција на вашите омилени наслови во движење. Безбедносните решенија како Samsung Knox обезбедуваат максимална заштита на податоците, а сертификатот за отпорност на вода и прашина IP68 овозможува сигурна употреба во различни услови. Со овој уред сте подготвени за сите услови.
Камерата на Galaxy S24 FE sо сензор од 50 MP и напреднаta технологија Nightography ќе ви овозможат да снимате квалитетни фотографии дури и во услови на слаба осветленост. Вештачката интелигенција ги прилагодува осветлувањето и контрастот за да постигне оптимални резултати, додека Photo Assist автоматски ги препознава сцените и ги прилагодува поставките, обезбедувајќи фотографии со професионален изглед.
Samsung Galaxy Tab S10 - таблети за зголемена продуктивност и креативност
Серијата Galaxy Tab S10 е создаден за корисници на кои им треба супериорни перформанси во комбинација со елегантен дизајн. Во зависност од тоа дали се работи за Tab S10+ или Tab S10 Ultra, динамичниот AMOLED 2X екран доаѓа во дијагонали од 11 или 12,4 инчи, со стапка на освежување од 120 Hz, што го прави одличен за мултитаскинг, стриминг и играње игри.
Сите оние кои ќе го користат овој уред за работа, со пенкалото S Pen дополнително ќе можат да ја доживеат функционалноста за лесно пишување, цртање и уредување фотографии. S Pen, со Note Assist, автоматски ги конвертира рачно напишаните белешки во дигитален текст, што заштедува време и ја зголемува продуктивноста. Мултитаскингот е уште полесен бидејќи Tab S10 поддржува работа во повеќе прозорци, овозможувајќи истовремена употреба на повеќе апликации. А тука е и извонредното аудио искуство овозможено од Dolby Atmos и четирите вградени звучници кои обезбедуваат богат звук за филмови, игри и музика.
Паметно поврзување во домот
Како и сите уреди на Samsung, така и телефонот Galaxy S24FE и таблетите Galaxy Tab S10 доаѓаат со апликацијата SmartThings, што овозможува интеграција на паметниот дом.Следете ги и управувајте со останатите апарати преку екранот на телефонот или таблетот и бидете во тек со паметните технологии на нашето време.