Економија
Кина, Индија и САД влијаеле на растот на светската трговија
03.07.2024
Глобалната трговија годинава ќе достигне 32.000 милијарди долари, доколку продолжат позитивните трендови во трговската размена од првиот квартал, кога вредноста на стоковната размена е зголемена за околу еден отсто во однос на претходниот квартал. Вредноста на размената со услуги пораснала за 1,5 отсто, соопшти Одделението на ОН за трговија и развој (УНКТАД)
- Очекувањата се дека овој раст ќе биде поттикнат од позитивната трговска динамика во САД и земјите во развој, посебно на големите азиски економии. Во првиот квартал годинава има поголема вредност на стоковната размена за 250 милијарди долари и околу 100 милијарди долари во размената на услугите, пренесува агенцијата „Анадолија“.
Растот на светската трговија во периодот јануари-март се должеше главно на зголемениот извоз од Кина (9 отсто), од Индија (7 отсто) и САД (3 отсто). Извозот од Европа не забележа раст, а извозот од Африка е намален за пет отсто.
Според прогнозите, светскиот БДП ќе порасне за околу три отсто во 2024 година.
фото freepic