Вести
Висок процент од Германците работат од дома
20.03.3024г.
Работниците не сакаат да се вратат во канцелариите
Работата од дома може да ја намали побарувачката за канцелариски простор во Германија за 12 отсто до 2030 година, се наведува во заклучокот на студијата на Институтот за економски истражувања ИФО од Минхен. Во студијата се следеле трендовите за побарувачката на деловен простор во поголемите германски градови: Берлин, Хамбург, Минхен, Келн, Франкфурт, Штутгард и Диселдорф.
- Редовната работа од дома стана вообичаена за 25 отсто од вработеноите и за 69 отсто од компаниите, што доведе до намалување на побарувачката за канцелариски простор, посебно кај големите компании, вели Симон Краус, истражувач во ИФО.
Според неговите прогнози, во следните седум години побарувачката за канцелариски простор во големите градови во Германија ќе се намали за околу 11,5 милиони квадратни метри или за 12 отсто.
Германските компании се обидуваат да ги вратат своите вработени во канцелариите, но ниниот број остана стабилен повеќе од две години.
- Многу компании се одлучија за фиксни денови за работа во канцеларија за да промовираат лична соработка, додека во другите денови се дозволува да се работи од дома, вели Краус.
Истражувачите од ИФО тврдат дека овој облик на работа има иднина, затоа што овозможува одржување на продуктивноста и подеднакво е прифатен од работодавачите и вработените лица, пренесува „Еуроњуз“.
фото freepic