Вести
Брегу: Западен Балкан има висок процент на трајно невработени лица
16.03.2024г.
Добра и лоша вест за намалување на невработеноста во Западен Балкан
Невработеноста во земјите од Западен Балкан се намалува, но поради емиграцијата има недостиг на квалификувани работници, изјави Мајлинда Брегу, генералната секретарка на Советот за регионална соработка (РЦЦ), кој претставува оперативен орган на Процесот за соработка во Југоисточна Европа.
- Добрата вест е што невработеноста во регионот се намалува. Од 2019 година изнесуваше 16,4 отсто, а во 2022 година е забележан пад од над три отсто и изнесува 13,1 отсто. Доколку продолжи со ваквото темпо, за Западен Балкан останува само надежта, изјави Брегу, во соопштението кое е испратено од РЦЦ.
Секторите кои се клучни за економскиот раст, како што се информатичката технологија, градежништвото и производството, туризмот и угостителството, се борат со акутниот проблем на недостиг на квалификувана работна сила поради емиграцијата, која ги испумпува најквалификуваните и најталентираните работници од регионот, дополнително загрозувајќи го напредокот на земјите, пренесува Бета.
Брегу посочува на фактот дека половина од жените кои се на пазарот на трудот се невработени, а вработеноста на младите изнесува само 22,3 отсто, но и податокот дека 18 отсто од работаната сила е трајно невработена, а неформалното вработување во некои земји достигнува 30 отсто.
- Денешните можности подразбираат пролонгиран и нестабилно преминување на младите на пазарот на трудот, бидејќи комбинирањето на работата и студирањето претставува норма. Високата стапка на невработени кај младите, укажува на потребата за наменски инвестиции, посочува Брегу.
фото freepic