Вести
Намалување на сточниот фонд во земјите од Европска Унија
15.03.2024г.
Грчките фармери најголеми одгледувачи на кози
Домашното производство на говеда во Европската Унија во втората половина на 2024 година ќе достигне 12,1 милион грла, а тоа е намалување за еден отсто во споредба со истиот период лани, објави Евростат.
Во второто полугодие во 2024 бројот на овците во ЕУ ќе биде намален за седум отсто и ќе изнесува 15,6 милиони грла. Намалување на производство се предвидува и кај одгледувачите на кози и тоа за девет отсто и нивниот број ќе достигне 2,4 милиони грла. Бројот на свињите ќе се намали за еден отсто и ќе изнесува 57,7 милиони грла.
Франција ќе остане најголем одгледувач на говеда со производство на 2,7 милиони грла. Германија е на второ место со два милиони грла, Шпанија со 1,3 милиони и Ирска со еден милион грла говеда.
Шпанија ќе биде најголем производител за свињи и овци, а Грција со кози. Грчките фармери се на прво место во ЕУ со произведени еден милион кози, а потоа следат Шпанија со 500 илјади грла и Романија со 400 илјади грла кози.
фото freepic