Вести
Францускиот парламент донесе нови правила за брзата мода
15.03.2024г.
Францускиот парламент вчера донесе пакет на мерки со кои евтините производи од т.н. брза мода, ќе бидат помалку привлечни за купувачите. Новите прописи се посебно насочени кон кинеското масовно производство на облека и вклучуваат забрана за огласување на најевтиниот текстил и еколошки такси за поевтините производи. Франција е изложена на зголемен увоз на евтина облека, додека неколку домашни брендови прогласија банкрот.
Од партијата на претседателот на Франција Емануел Макрон, носењето на овие законски измени имаат еколошки карактер.
- Текстилната индустрија е најголем загадувач и таа е одговорна за емисија на 10 отсто од стакленичките гасови и е голем загадувач на водата, изјави Ане Сесил Виоланд, заменик претседател во партијата на Макрон.
Франција ќе ги применува критериумите при одредувањето што е брза мода преку количината на произведената облека и брзината на промовирањето на нови колекции. Производителите на брза мода ќе бидат присилени да ги информираат потрошувачите за влијанието на нивните производи врз околината.
Наплатата на дополнителната такса од пет евра по еден производ ќе се воведе од следната година. Оваа сума ќе се зголеми на 10 евра до 2030 година. Дополнителната такса не смее да надмине 50 отсто од цената на производот. Овие приходи ќе бидат наменети за субвенционирање на производителите на одржлива облека, за подобро да се справат со конкуренцијата на пазарот, пренесува Сеебиз.
фото freepic