Вести
Од утре се отвора единствениот пазар на труд во Отворен Балкан
29.02.2024г.
Олеснување на вработувањето во Албанија, Србија и Македонија
Отворањето на единствениот пазар за труд работниците од земјите од Отворен Балкан е револуционерен потег, изјави Марко Чадеш, претседателот на Стопанската комора на Србија. Од први март годинава, како што рече тој, граѓаните од Албанија, Македонија и Србија, преку поедноставувањето на постапката ќе можат да добиваат дозвола за работен престој во било која од трите земја кои се пруклучени на иницијативата Отворен Балкан.
Пред три години лидерите на земјите од ОБ потпишаа одлука за воспоставување на слободен пристап на пазарот на труд на Западен Балкан.
- Работниците ќе можат слободно да се вработуваат, без административни бариери. Предноста се состои во олеснувањата на сезонското вработување, отстранување на проблемот со вработување на дефицитарните професии и јакнење на довербата кај инвеститорите во значајните економски сектори. Очекувањата се дека ова ќе го намали дополнителниот одлив на кадар од регионот и на младите лица, изјави Чадеш, пренесува „Политика“
Од Стопанската комора на Србија појаснуваат дека работниците од овие три земји, кои сакаат да се вработат во Србија, Албанија и Македонија, потребно е да поседуваат ИД број. За тоа е потребно да се регистрираат електронски, со пополнување на формулар на интернет платформа, и да се регистрираат на на еУправа, како и да приложат важечки биометриски документи. Врз основа на доставените податоци, домицилните надлежни органи, преку платформата еУправа, на заинтересираното лице ќе отвори единствен идентификациски број Отворен Балкан ИДОБ. По ова заинтересираното лице може да пристапи на еУправа на соодветната земја и да поднесе барање за слободен пристап на пазарот на труд.
Секоја земја по проверката на податоците донесува конечна одлука. По добивањето на одобрувањето работникот може да биде вработен, под истите услови како локалните државјани, во период до две години. По истекот на овој период, може да се продолжи периодот на престој односно на работната дозвола, пренесува „Политика“.