Вести
Делувајте енергетски економично со SEMM
28.02.2024г.
Паметно решение за енергетска ефикасност на Македонски Телеком
Една од главните придобивки на дигиталната трансформација е тесно поврзана со животната средина. Енергетската ефикасност на дигиталните решенија и контролата на потрошувачката на енергија дирекно влијае на намалување на штетните емисии на CO2 и заштедата на ресурсите, што е основа на одржливата иднина кон која се стремиме. Од друга страна, овие решенија освен што активно влијаат на енергетската ефикасност на бизнисите, носат и економски придобивки и одржливост. Македонски Телеком континуирано инвестира во иновативни решенија за подобрување на бизнис процесите и заштита на животната средина.
Како одговор на зголемената побарувачка за економични решенија, конкретно за електрична енергија, го претставуваме SEMM (Smart Energy Metering & Management), паметно решение за мерење и управување со електрична енергија.
Што нуди SEEM
Со помош на ова решение, потрошувачката на електрична енергија може да се следи детално и во реално време, со доверлив безжичен пренос на податоци до софтверската платформа во Податочниот центар на Телеком, со непосреден увид во користењето електрична енергија и следење на сите клучни енергетски параметри.
SEMM им овозможува темелен увид на бизнисите, заменувајќи ги рачните читања и овозможувајќи предвидување на трошоците поврзано со моменталната и идната HUPX цена za МWh.
Една од клучните технички предности на паметните мерачи на енергија лежи во нивната способност да обезбедат детални и релевантни податоци за моделите на потрошувачка на енергија. Овие податоци нудат важни сознанија за однесувањето на потрошувачите, степенот на оптоварување и квалитетот на напојувањето, со прецизни метрики за увид во потрошувачката. Со анализа на податоците, SEMM може да ги оптимизира перформансите на мрежата, да идентификува неефикасност и да имплементира насочени мерки за енергетска ефикасност.
Искуство на корисниците
Како пионер во користењето на SEMM, печатницата „Европа 92“ од Кочани ги истакна предностите на ова решение, кое обезбедува континуитет на работата во компанијата преку детално следење на енергетските параметри, рана детекција на можни проблеми и интеграција на сопствени фотонапонски централи. Нивното искуство покажува дека зголеменото ниво на контрола дава можност за подобра евиденција во потрошувачката и укажува каде би можела потрошената енергија да се искористи поефикасно. А тоа, на долг рок, придонесува кон зголемена продуктивност со истото ниво на ресурси и заштеда.
Едноставно прилагодување
Македонски Телеком како сопственик на ова решение може да одговори на потребите и барањата на различни компании и институции, и како нивен партнер да го имплементира решението и соодветно да го прилагоди за тие ефикасно да се справат со енергетските предизвици во секојдневната работа.
Ова современо и иновативно решение ја става контролата над ресурсите во рацете на корисникот, со детален и реален увид во податоците, со што електричната енергија се користи најефикасно, се намалува потрошувачката што носи и еколошки и економски поволности.
Со ваквите иновативни дигитални решенија Македонски Телеком активно влијае на енергетската ефикасност на бизнисите и го поттикнува процесот на дигитална трансформација на општеството.