Вести
Европската полиција разоткри криминална мрежа за перење пари
28.02.2024г.
Во заедничка акција на полицијата на три европски земји се уапсени нарачателите на мрежата за перење пари, во која се проневерени околу две милијарди евра, соопшти Еуроџаст, агенцијата на Европската Унија за соработка во правосудството.
Полициите на Италија, Летонија и Литванија извршиле претреси на 55 локации и уапси 18 лица, меѓу нив се и тројцата организатори на мрежата.
- Од 2017 година, двајцата главни осомничени испрале околу две милијарди евра преку глобалната мрежа на лажни компании, соопштија од централата на Еуроџаст, со седиште во Хаг.
Третиот осомничен, кој водел друга криминална група, е упсен во истата операција поради проневера на 15 милиони евра на јавни средства во Италија. Двете мрежи, кои биле основани во Литванија и во Италија, овозможиле перење на пари преку повеќе криминални активности: со даночни измами, сајбер криминал, лажни банкроти и трговија со дрога.
Дел од испраните пари биле „инвестирани“ во економијата на Летонија и Литванија преку купување на недвижности и луксузни возила.
Италијанската полиција започна со истрагата во 2021 година, а по една година се приклучија и полициите од Летонија и Литванија, со поддршка на Евроџаст и на Европската полицисика служба (Европол), пренесува, РТЦГ.
фото freepic