Вести
Опаѓа продажбата на станови, расте побарувачката за земјиште
26.02.2024г.
Вредноста на назарот на станови во Србија се намалила за 28 отсто, додека прометот за земјоделското земјиште се зголемил за 38 отсто, во четвртиот квартал во 2023 година. Покрај стабилизација и смирување на активностите на пазарот за недвижности, во наведениот квартал, има и смирување на растот на цените на становите на ниво на целата земја, се наведува во извештајот на Републичкиот геодетски завод на Србија.
Бројот на купопродажни договори е намален за 14,3 отсто, а бил остварен и помал промет за 22 отсто, кој достигна 1,7 милијарди евра. Остварениот промет на недвижности е над нивото од периодот пред пандемијата на коронавирусот. Во втората половина на 2023 година, цената на становите во Србија останале релативно стабилни.
Кредитната активност во секторот на недвижности бележи пад. Во четвртиот квартал од 2023 година 17 отсто од становите биле купени со кредити, а намалувањето на кредитната активност се должи на трендот на зголемување на каматните стапки во претходниот период.
Највисока цена за недвижност во износ од 1.540.000 евра е платена за стан во стара градба, со површина од 148 квадратни метри. Станот е во белградската општина Врачар. Ова е највисоката цена за еден квадрат и изнесува 10.405 евра. Најскапата куќа е продадена во општината Савски венац за 1,9 милиони евра. Највисоката цена за еден квадрат деловен простор на Врачар, со површина од 43 квадрати, изнесува 14.415 евра. Најскапото гаражно место чини 63.000 евра во општината Стари град.
За најскапо земјоделско земјиште во Србија е платено 3,5 милиони евра со површина од 249 хектари, а се наоѓа на територијата на општина Врбас, се наведува во извештајот на РГЗ, пренесува порталот Градња.рс.
фото freepic