Вести
Македонците помалку патувале во четвртиот квартал од 2023 година
21.02.2024г.
Вкупниот број превезени патници во патничкиот патен превоз, во четвртото тримесечје од 2023 година, изнесува 11.166 илјади и во однос на истиот период од претходната година е намален за 12.5 отсто, објави Државниот завод за статистика во Македонија. Според видот на превозот, бројот на превезените патници во градскиот превоз е намален за 1,118 милион патници (или 16.1 отсто), во приградскиот превоз е намален за 483 илјади патници ( 9.9 отсто помалку) во меѓуградскиот превоз е зголемен за 23 илјади патниси (2.9 отсто повеќе), а во меѓународниот превоз е намален за околу 20 илјади патници (14.6 отсто).
Во четвртото тримесечје од 2023 година, во однос на истиот период од 2022 година, вкупниот број патнички километри во патниот патнички превоз е намален за 38.5 отсто. Според видот на превозот, бројот на патничките километри во градскиот превоз е намален за 87.8 отсто, во приградскиот превоз е намален за 63.2 отсто, во меѓуградскиот превоз е зголемен за 4.6 отсто, а во меѓународниот превоз намалувањето изнесува 6.7 отсто.