Вести
Пандемијата помина, но последиците ќе влијаат на глобалната продуктивност!
21.02.2024г.
Следењето на наставата од дома во периодот на пандемијата со ковид-19 би можело да ги намали можностите за зголемување на глобалниот економски раст во следните 40 години, се предвидувањата на Организацијата за економска соработка и развој (ОЕЦД), кои се содржани во економските анализи од февруари 2024 година. Овој извештај е посветен и на глобалните економски очекувања и прогнози за инфлацијата во 2024, како и за тековните геополитички ризици, како што се нарушувањето на трговијата поради судирот во Црвеното Море.
За време на пандемијата, дојде до пад на резултатите на тестот од математика и читањето, меѓу учениците кои се на петнаесетгодишна возраст. Слабите резултати од тестирањето, можат да влијаат на оцените во средните ушилишта, на крајот на факултетите и можностите за вработување и да имаат негативни ефекти на прелевање на глобалната продуктивност, на ширењето на знаењето и иновациите во периодот меѓу 30 и 40 години, проценува ОЕЦД.
Според ОЕЦД вкупната инфлацијата од земји од Г20 во 2024 година да изнесува околу 6,6 отсто, со просечна базна инфлација од околу 2,5 отсто. Случувањата во Црвеното Море може да доведат до зголемување на цените на неколку производи, а некои да бидат и недостапни или да се чека на подолг рок за нивна испорака. Така, доколку продолжи растот на транспортните трошоци, годишна инфлација на увозните цени потенцијално ќа пораснат за околу пет отсто. Ова може да влијае на зголемување на инфлацијата на потрошувачките цени за околу 0,4 отсто за една година, пренесува „Еуроњуз“.