Вести
Новите модели на електрични автомобили ќе го раздвижат светскиот пазар
20.02.2024г.
Продажбата на автомобили во светот ќе расте со стапка од 2,8 отсто и ќе достигне 88,3 милиони автомобили, се наведува во анализата на СиП Глобал мобилити, која е една од најголемите консултантски компании. Годинава продажбата во Европа, од 14,7 милиони возила во 2023 година , ќе порасне до 15,1 милиони автомобили, што е раст од 2,9 отсто. За остварување на прогнозите за раст на продажбата влијаат и повеќе ризици, како што е рецесијата во најзначајните пазари во Европската Унија, каматните стапки, условите за кредитирање, побарувачката за електричните автомобили, како и претстојните избори во ЕУ. Клучен предизвик во Европа, според аналитичарите на Глобал мобилити, ќе биде способноста на државите да ги субвенционираат купувањето на електрични возила.
Продажбата на автомобили на пазарот на САД би требало да порасне за два отсто на годишно ниво и да достигне 15,9 милиони возила. Факторите кои влијаат на автомобилскиот пазар во САД се високите каматни стапки, неповолните услови за кредитирање и високите цени на автомобилите. Позитивен фактор е што на пазарот на електрични автомобили се најавуваат нови 100 модела на возила.
Најголемиот светски пазар за автомобили е Кина, каде продажбата во 2023 година достигнала 25,3 милиони автомобили или раст од 4,9 отсто. Годинава, во оваа земја се предвидува раст од 4,2 отсто и продажба на 25,3 милиони возила.
фото: freepic