Вести
За винариите по 1 денар за килограм откупено и произведено винско грозје
20.02.2024г.
Агенцијата за финансиска поддршка во земјоделството и руралниот развој ги известува преработувачите на винско грозје дека е во тек постапката за пријавувањње за финансиска поддршка во висина од 1 денар по килограм откупено како и произведено винско грозје од сопствен насад од реколта 2023 година. Поднесувањето на барањата е според Програмата за спроведување на интервентен фонд за земјоделството за 2024 година, во подмерка 1.2. „Финансиска поддршка за откупено винско грозје и произведено од сопствен насад од страна на регистрирани производители на вино кои истовремено се регистрирани откупувачи на винско грозје и го преработиле во сопствените капацитети за производство на вино“.
Корисници се производители на вино кои се запишани во Регистарот на производители на вино и во Регистарот на откупувачи на винско грозје кои се водат во Министерството за земјоделство, шумарство и водостопанство и кои винското грозје откупено од земјоделски стопанства од реколта 2023 година и винското грозје произведено од сопствен насад од реколта 2023 година го имаат преработено во сопствените капацитети за производство на вино.
Максималниот износ на оваа финансиска поддршка по корисник е 6.000.000,00 денари. Барањата се поднесуваат до Агенцијата за финансиска поддршка во земјоделството и руралниот развој на рачно пополнет образец Барање. Крајниот рок за поднесување на барања е 29 февруари 2024 година.