Вести
Индија во корист од санкциите за извоз на руската нафта!
20.02.202
Индија ги зголеми количините за увоз на руска нафта за 13 пати во споредба со периодот пред почетокот на војната во Украина и воведувањето на меѓународните санкции кон Русија, покажува анализата на Центарот за истражување за енергија и чист воздух. Минатата година, износот на меѓусебната трговија со сурова нафта меѓу Русија и Индија достигнал 37 милијарди долари, а дел од овие количини биле преработени во рафинериите на западниот брег на земјата, а потоа тие биле продадени во САД, пишува Си Ен Ен.
Соединетите држави ја предводеа коалицијата на земји кон крајот на 2022 година, кои се согласија на ограничување на цените, со обврска дека нема да купуваат руска нафта по цена над 60 долари по барел. Оваа меѓународна коалиција им забранија на своите бродски компании и осигурителни фирми да ја олеснуваат трговијата со руската нафта над оваа цена. Ограничувањето на цените беше причина за создавање на „флотата во сенка“, која користи сложени поморски патеки за испорака на нафтата. Меѓународните аналитичари проценуваат дека оваа флота минатата година се зголемила на 1.800 пловила.
Според анализата на јавните податоци на руското министерство за финансии направени од економистот на РАНД, Хауард Шац, руските федерални приходи и расходи во 2023 година биле на највисоко ниво. Нафтените деривати кои се преработени надвор од Русија не се опфатени со санкциите. Во анализата на ЦРЕА се проценува дека САД минатата година билe најголем купувач на рафинирани производи од Индија, кои се добиени со преработка на руската сурова нафта. Овој увоз изнесувал 1,3 милијарди долари, од декември 2022, кога се воведени снакциите за ограничени цени. Во 2023 година земјите кои се приклучија на санкциите купиле нафтени производи произведени од руска нафта во вредност од 9,1 милијарди долари, што е зголемување од 44 отсто, во однос на претходната година, проценува ЦРЕА. пренесува „Политика“.