Вести
Странски компании се мачат со боледувањето на работниците
19.02.2024г.
Две странски фирми кои стопанисуваат во Ниш, се пожалиле на премиерката на Србија, Ана Брнабиќ, дека се зголемил бројот на работници, кои отсуствуваат од работа. Овие компании доставиле и листа на здравствените установи, кои отвориле најмногу дознаки за боледување. Министерството за здравство на Србија покрена постапка за да ја провери оправданоста на одобрените боледувања. Синдикалните организации во Ниш предупредуваат дека ова претставува притисок врз работниците, кои имаат право на отсуство од работа, поради здравствени причини.
- Во Ниш имавме значително повисок просек на отстуство на работниците од работа во споредба со другите градови или општини во Србија. Затоа е пуштена инспекцијата. Овој проблем ќе се реши на еден системски начин кога ќе воведеме е-боледување, а боледувањето ќе биде потранспарентно, а тогаш нема да има потреба од вонредни инспекции, вели Брнабиќ.
Српската премиерка предупреди дека доколку се продолжи со ваквата пракса, Србија ќе има проблем доколку инвеститорите одлучат да заминат од земјата. Тоа ќе ги одврати и другите потенцијални инвеститори да дојдат во Србија, со што ќе се намали и можноста за вработување на младите лица.
фото: freepic