Вести
Стопанската комора предлага стратегија за економски раст од 4 до 7 седум отсто
16.02.2024г.
Постигнување на општа согласност за спроведување на реформите и остварување на повисок економски раст на Македонија треба да бидат нашиот приоритет во наредните десет години. Се наоѓаме во специфичен период, кога треба да донесеме одлука и кога ќе се соочиме со другата страна за да се оствари системот за кој се залагаме и да се вклопиме во евроатлнаските ингеграции или ќе останеме само болно ткиво на Балканот, што ќе се обидува само да живурка. Стопанска комора помина низ неизвесни времиња и донесе повеќе стратешки документи и доколу половина од нив се спроведеа сега во Македонија ќе изгледаше поинаку. Можностите се пред нас и во наредните години предлагаме мерки за раст од БДП меѓу четири и седум отсто, а со тоа да се подобри стандардот на населението, изјави Бранко Азески, претседателот на Стопанската комора на С.Македонија, на денешната промоцијата на книгата „Стратешки документи на Комората“.
Четирите стратешки докумети на кои се базира книгата се: 1) Време е за промена на досегашниот модел на економски развој; 2) Модерна реиндустријализација и структурна трансформација на извозот како фундаментални процеси во забрзување на растот на македонската економија; 3) „Сивиот дел” на македонската економија: големина, импликации, решенија и 4) Декларација за општествен консензус за економски реформи, политики и мерки.
Покрај Азески, модератор на настанот беше Дарко Лазаров, проректор за развој и инвестиции на Универзитетот „Гоце Делчев“- Штип и претседател на Клубот на извозници при Комората.
-Многу од мерките останаа непримети и тие остануваат патоказ за идниот економски развој на земјата. Институционалниот капацитет на Комората може да биде обединувачкиот фактор на сите чинители во земјата во насока на дефинирање на развојните приоритети на земјата, изјави Лазаров.