Вести
Белграѓани плаќаат највисока кирија за стан
Просечните Европејци кои живеат во изнајмен стан речиси половината од своите месечни приходи ги издвојуваат за наемнина на недвижност.
Месечната наемнина за изнајмен стан е повисока во централните градски подрачја во главните градови во земјите. Поради силниот раст на стабениот квадрат, граѓаните со просечни плати се потешко можат да дојдат до сопствен дом, па затоа изнајмувањето на станови претставува поприфатлива опција. Според, податоците на глобалната база Нумбео, Тпортал направи преглед за висината на наемнината на становите и просечните приходи на граѓаните во 12 главни градови во поширокото опкружување. Така, киријата за еднособен стан во централно подрачје е најниска во Сараево (301 евро) и во Скопје (322 евра), а највисоки се во Берлин (1.303 евра) и во Рим (1.084 евра). Загреб се наоѓа во средина на листата за наемнини во висина од 650 евра.
Слична состојба има и кај наемнините за изнајмување на трособен стаб. Најповолни кирии плаќаат граѓаните во Сарево и Скопје, а највисоки жителите на Берлин, Рим и Виена.
Кога ќе се спореди цената за наемот и просечната плата, најскапи кирии има во Белград, каде за изјамување на еднособен стан е потребно да се издвои речиси 60 отсто од просечната плата. Во Загреб за истиот стан треба да се извои 40 отсто од платата. Најсповолен сооднос меѓу кирииите и просечната плата има во Сараево, каде за еднособен стан се издвојува 28 отсто од платата и 43 отсто за трособен стан. Во Македонија, според наведените податоци, за трособен стан во центарот на Скопје треба да се плати 499 евра, а во периферијата 341 евро. Како просечна плата за нашата земја се зема 537 евра.
фото: freepic