Вести
Татковство – нов бенефит за вработените во Стопанска банка АД-Скопје
07.02.2024г.
Стопанска банка АД - Скопје на своите вработени, штом станат татковци, им одобрува платено отсуство во траење од 15 работни денови.
„Кога семејството расте тука сме да споделиме радост и да помогнеме во создавањето на трајни сеќавања. Затоа, покрај подарок за новороденчето, на нашите вработени, штом станат татковци, им одобруваме платено отсуство во траење од 15 работни денови, дополнително на деновите што следуваат од колективниот договор“, велат од банката
Стопанска банка АД - Скопје со оваа одлука станува една од првите компании во државата која во согласност со EU Work-Life Balance директивата, воведува платено отсуство за татковство, со цел унапредување на балансот помеѓу работата и приватниот живот на вработените.