Вести
Григорјан: Да биде година на раст, разбирање и заеднички напредок!
Што очекувате од 2024 година?
Армен Григорјан, постојан претставник на УНДП во РСМ
„Додека се збогуваме со 2023 година и зачекоруваме во ветувањата за новата година, во 2024 година нè чекаат серија глобални настани кои ќе ја обликуваат нашата иднина. Во 2024 година, повеќе гласачи од кога било ќе излезат на над 70 избори во светот, и тоа во земјите во кои живее над половина од населението на планетава. Очите се вперени спрема САД, Русија и Индија, каде што исходот од изборите може да ги испреплете судбините на многу неочекувани начини. ЕУ ќе мора посилно да ја поддржи Украина за да ја смири долгорочната нестабилност. Годината 2024 ќе биде пресудна и за напредокот на земјите кандидатки за членство во ЕУ. Се надевам ќе бидеме сведоци на решавање на блискоисточниот конфликт во 2024 година. Вештачката интелигенција влегува во центарот на вниманието, не само како алатка за проверка и совет туку и како носител на одлуки со влијание врз приватниот и јавниот сектор. Се надевам среде овие неизвесности, светот ќе најде радост во Олимписките игри во Париз и ЕУРО 2024. Посакувам новата година да ни донесе издржливост, единство и сила да се соочиме со предизвиците што претстојат. Да биде година на раст, разбирање и заеднички напредок!“