Вести
Грегановиќ: Моите предвидувања се стабилизација и постепено намалување на каматните стапки во текот на годината
Што очекувате од 2024 година?
Бранко Грегановиќ, претседател на УО на НЛБ Банка
„Во Македонија, 2024 година ќе биде година на избори кои вообичаено имаат влијание врз економијата, но лично не очекувам некои тектонски поместувања. Моите предвидувања се стабилизација и постепено намалување на каматните стапки во текот на годината. Се надеваме и на зголемен раст на економијата, овозможен со силна кредитна поддршка на комерцијалните банки.
Се очекува и успорување на инфлацијата и пад на каматните стапки, вклучително и намалување на стапката на ЕУРИБОР и на другите странски каматни стапки, некаде во втората половина од следната година, ако ги земеме предвид сигналите кои ги дава Европската централна банка.
Во 2024 година ќе продолжат засилената дигитализација, технолошките иновации и поголемата искористеност на вештачката интелигенција, зголемената употреба на напредната аналитика на податоци и инвестициите во системи за отпорност на сајбер напади, поголемата посветеност на компаниите кон одржливи практики.
Во фокусот на НЛБ Банка и натаму остануваат нашите клиенти, сè во рамките на целите за одговорно дејствување и во насока на одржливиот развој, кредитирање на населението и стопанството со фокус на зелени проекти и секако дигиталната трансформација со засилена имплементација на иновативни и дигитални финансиски решенија со цел поддршка на клиентите во сè поголемиот дигитален свет“.