Вести
Д-р Ирена Радовиќ е новата гувернерка на Централната банка на Црна Гора
22.12.2023г.
Централната банка на Црна Гора од 19 декември и официјално има нов гувернер.
Д-р Ирена Радовиќ е новата гувернерка Централната банка на Црна Гора. Таа ја презеде функцијата од досегашниот гувернер д-р Радоја Жугиќ.
“Централната банка е регулатор и контролор и гарантира стабилност на финансискиот систем. Ветувам рамноправен и неселективен третман на сите учесници на пазарот, како и стабилен финансиски систем кој ќе работи по највисоки европски стандарди“, истакна меѓу другото д-р Радовиќ по преземањето на функцијата.
Инаку, д-р Радовиќ е првата жена избрана за гувернер на Централната банка на Црна Гора. Таа беше избрана во собранието на Црна Гора на 15 декември со 58 од 71 гласа, по предлог на претседателот на Црна Гора г. Јаков Милатовиќ.
фото: https://cbcg.me/