Вести
Конференција: Перспективите на жените полицајkи во Западен Балкан
07.12.2023г.
Проценка на застапеноста и статусот на жените во службите на Граничната полиција во Западен Балкан како и нивните предизвици и професионални можности, беа главна тема за дискусија на Регионалната конференција: „Инклузивна гранична безбедност: Перспективите на жените полицајки во Западен Балкан“, која се одржи на 5 декември 2023 во Скопје.
Конференцијата беше организирана во рамките на регионалниот проект „Зајакнување на капацитетите на граничната полиција преку зајакнување на жените полицајки во Западен Балкан“, поддржан од Централноевропската иницијатива (ЦЕИ) и имплементиран од Регионалниот центар на Регионалната иницијатива за миграции, азил и бегалци (МАРРИ).
Проектот се базира врз фактот дека само инклузивни институции можат ефикасно да управуваат со мешаните миграциски текови и да одговорат на родово-специфичните потреби на различните групи. Зголеменото учество и капацитет на жените во граничната полиција ја подобрува способноста на овие структури да откриваат и да спречат експлоатација, злоупотреба на ранливите категории и други форми на прекуграничен криминал. Со цел да ја процени застапеноста на жените во граничната полиција на секое ниво од полициската хиерархија, Регионалниот центар на МАРРИ спроведе истражување чии што резултати беа претставени и дискутирани за време на конференцијата.
Во своето уводно излагање, директорката на МАРРИ Регионалниот центар во Скопје, м-р Снежана Трајановска посочи дека собирот допринесува кон колективните залагањата за спроведување на инклузивни и ефективни мерки за управување со границите и миграцијата, и кон создавањето на поправеден и поквалитетен систем за управување со границите. Осврнувајќи се кон повеќеслојната природа на родовите нееднаквости, дискриминацијата, и причините за нееднаквите родови односи, директорката Трајановска нагласи дека “Една од многу важните компоненти на вклучувањето на родовите аспекти во главните политики е воспоставувањето и зајакнувањето на внатрешните родови институционални механизми (родови советници, родови фокусни точки, родови координатори, итн.). Тие се клучни за подобрување на родовата еднаквост и имплементација на родовата перспектива, како меѓусекторско прашање”.
Иницијаторот и менаџер на овој проект, г-ѓа Нели Рашовиќ, претставник на Црна Гора во Регионалниот центар на MAРРИ, го истакна поттикот зад овој пионерски напор - потрага за подобро разбирање на основните фактори кои придонесуваат за недоволната застапеност на полицајките во органите на граничната полиција на шесте администрации на Западен Балкан и предизвиците со кои се соочуваат во секојдневните обврски.
„Во текот на последните години, се одвиваат полициски реформи во администрациите на Западен Балкан кои забележуваат значителен пораст на вклучувањето на жените во полициските власти“, истакна г-ѓа Рашовиќ. „Овие реформи, цврсто втемелени во принципите на родова еднаквост и заштитата на правата на ранливите групи, се суштината на меѓународните конвенции на кои администрациите на Западен Балкан се потписници. Соочени со постојаните предизвици долж западнобалканската рута која е препознаена како еден од најактивните миграциски коридори, стана императив не само да се ублажат безбедносните закани, туку и да се зајакне нашата реакција на различните потреби на мигрантите и на сите поединци кои ги минуваат границите.”
Претставникот на ЦЕИ, г. Уго Поли, во своето уводно излагање ги пофали резултатите на проектот. Тој истакна дека седумте препораки од истражувањето спроведено од МАРРИ ќе помогнат во идните напори на учесничките на МАРРИ во вклучувањето на родовите аспекти во главните политики. “Жените во граничната полиција на Западен Балкан допринесуваат кон интеграцијата на родовата перспектива при извршувањето на чувствителните задачи на граничната полиција. И покрај идентификуваните ограничувања кои сè уште го попречуваат остварувањето на нивниот целосен капацитет на водечки позиции, тие придонесуваат кон воспоставувањето на суштинска еднаквост на мажите и жените во општеството” додаде тој.
На настанот учествуваа истакнати претставници на граничната полиција, креатори на политики од администрациите на Западен Балкан, меѓународната заедница и академијата. Освен за прашањата за подигање на свеста, предизвиците и начините на работа кои се присутни во регионот, тие имаа можност да слушнат и позитивни искуства и добри практики од земјите-членки на ЕУ, претставени преку примерот на Италија.
Проценка на застапеноста и статусот на жените во службите на Граничната полиција во Западен Балкан како и нивните предизвици и професионални можности, беа главна тема за дискусија на Регионалната конференција: „Инклузивна гранична безбедност: Перспективите на жените полицајки во Западен Балкан“, која се одржи вчера, 5 декември 2023 во Скопје.
Конференцијата беше организирана во рамките на регионалниот проект „Зајакнување на капацитетите на граничната полиција преку зајакнување на жените полицајки во Западен Балкан“, поддржан од Централноевропската иницијатива (ЦЕИ) и имплементиран од Регионалниот центар на Регионалната иницијатива за миграции, азил и бегалци (МАРРИ).
Проектот се базира врз фактот дека само инклузивни институции можат ефикасно да управуваат со мешаните миграциски текови и да одговорат на родово-специфичните потреби на различните групи. Зголеменото учество и капацитет на жените во граничната полиција ја подобрува способноста на овие структури да откриваат и да спречат експлоатација, злоупотреба на ранливите категории и други форми на прекуграничен криминал. Со цел да ја процени застапеноста на жените во граничната полиција на секое ниво од полициската хиерархија, Регионалниот центар на МАРРИ спроведе истражување чии што резултати беа претставени и дискутирани за време на конференцијата.
Во своето уводно излагање, директорката на МАРРИ Регионалниот центар во Скопје, м-р Снежана Трајановска посочи дека собирот допринесува кон колективните залагањата за спроведување на инклузивни и ефективни мерки за управување со границите и миграцијата, и кон создавањето на поправеден и поквалитетен систем за управување со границите. Осврнувајќи се кон повеќеслојната природа на родовите нееднаквости, дискриминацијата, и причините за нееднаквите родови односи, директорката Трајановска нагласи дека
“Една од многу важните компоненти на вклучувањето на родовите аспекти во главните политики е воспоставувањето и зајакнувањето на внатрешните родови институционални механизми (родови советници, родови фокусни точки, родови координатори, итн.). Тие се клучни за подобрување на родовата еднаквост и имплементација на родовата перспектива, како меѓусекторско прашање”.
Иницијаторот и менаџер на овој проект, г-ѓа Нели Рашовиќ, претставник на Црна Гора во Регионалниот центар на MAРРИ, го истакна поттикот зад овој пионерски напор - потрага за подобро разбирање на основните фактори кои придонесуваат за недоволната застапеност на полицајките во органите на граничната полиција на шесте администрации на Западен Балкан и предизвиците со кои се соочуваат во секојдневните обврски.
„Во текот на последните години, се одвиваат полициски реформи во администрациите на Западен Балкан кои забележуваат значителен пораст на вклучувањето на жените во полициските власти“, истакна г-ѓа Рашовиќ. „Овие реформи, цврсто втемелени во принципите на родова еднаквост и заштитата на правата на ранливите групи, се суштината на меѓународните конвенции на кои администрациите на Западен Балкан се потписници. Соочени со постојаните предизвици долж западнобалканската рута која е препознаена како еден од најактивните миграциски коридори, стана императив не само да се ублажат безбедносните закани, туку и да се зајакне нашата реакција на различните потреби на мигрантите и на сите поединци кои ги минуваат границите.”
Претставникот на ЦЕИ, г. Уго Поли, во своето уводно излагање ги пофали резултатите на проектот. Тој истакна дека седумте препораки од истражувањето спроведено од МАРРИ ќе помогнат во идните напори на учесничките на МАРРИ во вклучувањето на родовите аспекти во главните политики. “Жените во граничната полиција на Западен Балкан допринесуваат кон интеграцијата на родовата перспектива при извршувањето на чувствителните задачи на граничната полиција. И покрај идентификуваните ограничувања кои сè уште го попречуваат остварувањето на нивниот целосен капацитет на водечки позиции, тие придонесуваат кон воспоставувањето на суштинска еднаквост на мажите и жените во општеството” додаде тој.
На настанот учествуваа истакнати претставници на граничната полиција, креатори на политики од администрациите на Западен Балкан, меѓународната заедница и академијата. Освен за прашањата заподигање на свеста, предизвиците и начините на работа кои се присутни во регионот, тие имаа можност да слушнат и позитивни искуства и добри практики од земјите-членки на ЕУ, претставени преку примерот на Италија.