Вести
Вкупните средства на останатите финансиски институции (ОФИ) достигнаа 201.059 милиони денари и бележат квартален раст од 4.201 милиони денари
01.12.2023г.
Позначајни движења кај останатите финансиски институции (ОФИ): трет квартал на 2023 година
Во третиот квартал на 2023 година, вкупните средства на останатите финансиски институции (ОФИ) достигнаа 201.059 милиони денари и бележат квартален раст од 4.201 милиони денари. Останатите финансиски институции учествуваат со 19,5% во средствата на финансиските институции. Анализирано од аспект на потсекторите, пензиските фондови имаат најголемо учество во вкупните средства на ОФИ од 65,5%, а по нив следуваат осигурителните друштва со учество од 17,1%.
Најголемиот дел од средствата на ОФИ се вложувања во должнички и сопственички хартии од вредност (учество од 52,2% и 24,8%, соодветно), а на страната на обврските, најголемиот дел се однесуваат на техничките резерви на осигурување и капиталните сметки (учество од 57,0% и 33,5%, соодветно).
Најновото соопштение за позначајните движења кај ОФИ е достапно на следната врска:
https://www.nbrm.mk/content/statistika/Soopstenija/OFI/2023/Soopstenie_za_pecat_OFI_Q3_2023_mk.pdf