Вести
Четири златни медали и една специјална награда на „Citadelles du vin“ 2020 во Франција за вината на „Тиквеш“
блиц Македонија
Златни медали добија три вина од премиум бренд платформата „Tikveš Châteaux & Domainеs“ – „Domaine Lepovo Grand Cuvée“ 2016, како и „Vase de Pierre“ 2018 и „Terrasse à L’Ombre“ 2018 од француската винарница „Château de Gourdon“, што е дел од „Тиквеш“, а со златен медал се закити и „Vranec Special Selection“ од бербата 2017. Дополнително, црвеното „Barovo“ од бербата 2017 ја освои специјалната награда „MACEDONIA SPECIAL PRIZE“. Овој успех е постигнат во конкуренција на 719 вина од 29 земји од светот, меѓу кои и неколку од регионот. Освојувајќи ги петте највисоки одличја, Винарската визба „Тиквеш“ уште еднаш ја потврди позицијата најуспешна меѓу винарниците од регионот. Со ова „Тиквеш“ значајно го надгради успехот постигнат на минатогодишното издание на „Citadelles Du Vin“ кога освои три сребрени медали. „Citadelles Du Vin“ е натпревар кој се одржува во еден од најзначајните и најпознати светски вински региони (Бордо) и има мисија да ги поддржи и промовира квалитетот и различноста на вината произведени во светот. Наградените вина дополнително добиваат и презентација на „Винекспо“ – Бордо и „Винекспо“ – Хонг Конг со што остваруваат промоција пред француските и интернационалните потрошувачи и љубители на виното.