Вести
БАЛКАНОТ ГО ПОДОБРУВА КРЕДИТНИОТ ИМИЏ
блиц свет
Агенциите за оцена на кредитниот рејтинг Фич рејтингс (Fitch Ratings) и Стандард и Пурс (Standard and Poor’s) го зголемија кредитниот рејтинг на Србија од „ББ минус“ на ниво „ББ“ со стабилни изгледи за унапредување. Во извештаите агенциите истакнуваат дека односот на јавниот долг и на БДП е подобрен и стабилен, и дека очекуваат Владата на Србија да продолжи со спроведувањето на програмата за фискална консолидација и на структурните реформи и во периодот на 2018 до 2019 година. Претходно, за првпат од 2004 година, Фич го зголеми и кредитниот рејтинг на Хрватска од „ББ” на „ББ +” со стабилна перспектива, наведувајќи дека одлуката произлегува од одличната туристичка сезона, подобрувањето на јавните финансии на земјата и прогнозата за раст на економијата во наредниот период. Стандард и Пурс, пак, ја зголеми оценката за Грција од „Б-“ на „Б“ и тоа со позитивна перспектива, земајќи го предвид подобрувањето на економската состојба на земјата по неколкугодишната криза, стабилизацијата на пазарот на труд, но и политичката стабилност на земјата.