Речиси три четвртини од граѓаните на Европската Унија (72 проценти) веруваат дека членството во ЕУ е позитивно за нивната земја, а во Хрватска овој процент е уште поголем (79 проценти), според новото истражување на Евробарометар објавено денеска.
Највисок удел на оние кои гледаат придобивки од членството е забележан во Ирска (93 проценти), Литванија и Португалија (92 проценти), додека најнизок е забележан во Франција (58 проценти), Грција (57 проценти), Бугарија (54 проценти).
Речиси три четвртини од Европејците веруваат дека ЕУ игра стабилизирачка улога во сегашниот геополитички контекст (73 проценти, што е за 6 процентни поени повеќе отколку во последното есенско истражување). Огромното мнозинство (81 процент, два процентни поени повеќе отколку во последното истражување) силно ја поддржуваат заедничката одбранбена и безбедносна политика.
Заедничката валута, еврото, исто така ужива силна поддршка (74 проценти).
На ниво на ЕУ, главната причина за загриженост во моментов е конфликтот на Блискиот Исток (25 проценти, а во Хрватска 36 проценти). Потоа следува пошироката меѓународна ситуација (23 проценти, во Хрватска 21 процент) и војната меѓу Русија и Украина (20 проценти, во Хрватска 24 проценти). Во исто време, трошоците за живот остануваат главна причина за загриженост и тоа на ниво на ЕУ 36 проценти, а во Хрватска 58 проценти.
Што се однесува до очекувањата во врска со економската состојба во земјите-членки во следните 12 месеци, Хрватите се пооптимистични од просекот на ЕУ, 26 проценти сметаат дека економската состојба во нивната земја ќе се подобри, во споредба со 16 проценти во ЕУ, пренесува Пословни дневник.
Фото Економија и бизнис
