Претседателот на Соединетите Американски Држави, Доналд Трамп, денес изјави дека во разговорот со рускиот претседател, Владимир Путин, е договорено да се испорачаат неколку милиони тони дизел гориво од Русија на американскиот и светскиот пазар, оценувајќи дека тоа ќе доведе до брз и значителен пад на цената на тој енергенс.

Трамп на својата социјална мрежа  изјави дека Русија веднаш ќе испорача повеќе од 300.000 тони дизел, уште 500.000 тони во текот на ноември, а потоа милион тони во следниот период. Според него, во зависност од состојбата на нејзините рафинерии, Русија треба да испорача дополнителни три милиони тони дизел гориво на краток рок.

Американскиот претседател Доналд Трамп, по телефонскиот разговор со рускиот претседател Владимир Путин, објавува дека Русија ќе го снабди „американскиот и глобалниот пазар“ со речиси пет милиони американски тони дизел, објавува Скај њуз.

Ова доаѓа откако Трамп го потпиша законот за санкции против Русија минатиот месец, насочен кон енергетскиот сектор на Русија и други области што ја поттикнуваат нејзината војна против Украина, објавува Скај.

Законот предвидува санкции за руски функционери, банки и таканаречената „флота во сенка“ составена од танкери, пренесува Данас.

Фото Економија и бизнис