Вкупниот светски долг се зголеми за 10 трилиони долари (8,5 трилиони евра) во првата половина од оваа година и надмина 365 милијарди долари (310 милијарди евра), а зголемените трошоци за сервисирање на долгот претставуваат голем ризик за владите на многу земји, објави Институтот за меѓународни финансии (ИИФ). Според истражувањето, државниот долг расте во време кога приносите на среднорочните и долгорочните државни обврзници во некои од најголемите економии во светот достигнаа највисоки нивоа за повеќе од една деценија, објави CNBC.

Ова ги вклучува САД, Јапонија, Франција и Обединетото Кралство, а зголемувањето на приносите ја одразува растечката загриженост на инвеститорите поради повисоките каматни стапки, долготрајните ефекти од високите трошоци за енергија, слабиот економски раст и високата државна потрошувачка.

IIF посебно издвои четири големи економии, велејќи дека тие се соочуваат со „постојано големи дефицити и зголемени трошоци за камати“, проблеми кои долго време се поврзуваат со презадолжените земји во развој.

Развиените економии минатата година платија повеќе од 3,3 трилиони долари (2,8 трилиони евра) камата за меѓународно тргувани државни обврзници, што е повеќе од глобалната потрошувачка за вештачка интелигенција, која изнесуваше 2,2 трилиони евра, одбраната од 2,6 трилиони евра и чистата енергија од 2 трилиони евра.

„Со зголемувањето на референтните каматни стапки, се очекува трошоците за камата нагло да се зголемат, додека структурните влијанија предизвикани од трошењето за здравство и јавни пензии остануваат во голема мера нерешени“, соопштија од ИИФ, пренесува НИН.

Фото Економија и бизнис