Прометот на Македонската берза во првата недела од ноември изнесуваше 53,9 милиони денари, односно 877,7 илјади евра, што претставува намалување од 3,64% во споредба со претходната недела. И покрај понискиот вкупен промет, кај акциите преовладуваше позитивно движење, при што пет акции забележаа раст, а четири пад на вредноста. Најголем раст оствари Стопанска банка Скопје со 8,28%, додека Комерцијална банка остана најтргуваната акција со промет од 17,2 милиони денари
Неделен извештај: Македонска берза за периодот 02.11.2026 до 06.11.2026 година
Берзански резиме (02-06 ноември 2026)
Берза: Македонска берза
Вкупен промет (на сите пазари): 53,9 милиони денари
Промена (во однос на претходната недела): – 3,64 %
Најтргувана акција: Комерцијална банка Скопје (17,2 милиони денари)
Топ 3 по промет: Комерцијална банка Скопје, Алкалоид Скопје и Гранит Скопје
Акции со раст: 5
Акции со пад: 4
Најголем раст: Стопанска банка Скопје (+8,28 %)
Најголем пад: Макстил Скопје (-2,91 %)
Најтргувани акции во неделата
| Компанија | Промет |
| Комерцијална банка | 17,2 милиони денари |
| Алкалоид Скопје | 14,8 милиони денари |
| Гранит Скопје | 8,9 милиони денари |
| Макпетрол Скопје | 3,8 милиони денари |
| НЛБ Банка АД Скопје | 3,1 милиони денари |
Промет на берзата
Вкупниот промет на сите пазари на Македонска берза во првата недела од ноември, 02.11.2026 до 06.11.2026 година изнесуваше 53,9 милиони денари (877,7 илјади евра), што е за 3,64 % помалку во споредба со претходната недела.
Прометот беше реализиран преку 287 трансакции, 2 помалку во однос на претходната недела со кои се истргуваа 13 833 акции и обврзница, 1 249 повеќе во однос на претходната недела.
Добитници и губитници
Топ 3 акции со раст на вредноста минатата недела:
- Стопанска банка Скопје – раст од 8,28 %
- Гранит Скопје – раст од 2,58 %
- Алкалоид Скопје – раст од 1,6 %
Топ 3 акции со пад на вредноста се:
- Макстил Скопје – пад од 2,91 %
- Реплек Скопје – пад од 2,82 %
- Макпетрол Скопје – пад од 0,29 %
Активност по количина
Според бројот на истргувани акции, најактивни беа:
- Гранит Скопје – 5 665 акции
- Македонски Телеком Скопје – 3 352 акции
- Макстил Скопје – 2 100 акции
Изминатата недела не се реализира нитѕ една блок трансакција.
Првата недела од ноември донесе умерено намалување на вкупниот берзански промет, но позитивен сооднос меѓу акциите со раст и оние со пад на вредноста. Стопанска банка беше најголемиот неделен добитник, додека Комерцијална банка и Алкалоид продолжија да привлекуваат најголем дел од инвеститорскиот интерес. Зголемениот број истргувани акции, и покрај понискиот промет, укажува на поголема активност во тргувањето според количината на хартии од вредност.
подготви: Кирко Бошкоски, Економија и бизнис
