Русија треба да вклучи околу 12 милиони луѓе на пазарот на трудот до 2032 година, со цел да пополни нови работни места и да ги замени вработените кои се пензионираат, изјави вицепремиерката на руската влада, Татјана Голикова.

Повикувајќи се на најновите податоци од руската статистичка служба Росстат, таа истакна дека стапката на невработеност во Русија е на рекордно ниско ниво од 2,2 проценти, додека бројот на вработени достигна 74,6 милиони, објави ТАСС.

Во Русија постои особено голем интерес за професии кои бараат професионални и практични вештини, а за нив моментално се огласени околу милион слободни работни места.

Таа забележува дека главната целна група за вклучување на пазарот на трудот ќе бидат младите луѓе.

Задачата на државата е да им помогне да ги стекнат потребните квалификации и да ја најдат својата прва работа, рече Голикова.

Фото Економија и бизнис