Цените на горивата во ЕУ повторно растат, a во Романија има најголемо зголемување на цените на бензинот и дизелот. Цените на дизелот и бензинот пораснаа во јули за 4,3 и 4,7 проценти, соодветно
Цените на горивата и мазивата за личен транспорт во Европската Унија се зголемија во просек за 16,9 проценти во јули во споредба со истиот месец минатата година, според податоците на Евростат.
Ова е забавување на годишниот раст во споредба со мај, кога цените беа повисоки за 20,7 проценти, но забрзување во споредба со јунските 13,7 проценти.
Горивото беше поскапо во јули отколку една година претходно во 25 од 27-те земји-членки на Европската Унија, се наведува во извештајот.
Највисок годишен раст е забележан во Романија од 24,2 проценти, по што следат Германија и Литванија, секоја по 22,9 проценти, Бугарија со 22,2 проценти, Холандија со 22 проценти и Финска со 20,5 проценти.
Цените на горивата малку се намалија само во Унгарија, за 0,1 процент, додека најмал раст е забележан во Шведска за 1,2 проценти и Ирска за 3,2 проценти.
Малта ги регулира цените на горивата од 2020 година, па затоа нема промени во таа земја.
На месечна основа, цената на дизелот во Европската Унија се зголеми во јули за 4,3 проценти, а на бензинот за 4,7 проценти.
Тоа е ненадеен пресврт по падот на цените во јуни, кога дизелот поевтини за 6,4 проценти, а бензинот за 4,2 проценти во споредба со мај.
Помеѓу јуни и јули, цените на дизелот се зголемија во 17 земји од ЕУ, а најголем раст е забележан во Полска за 13,4 проценти, Германија за 12,7 проценти и Грција за 12,1 процент.
Во девет земји, цените се намалија на месечна основа, најмногу во Кипар, 7,9 проценти, во Шведска 7,4 проценти и Ирска 6,4 проценти.
Цените на бензинот се зголемија во 14 земји, додека во 12 се намалија.
Највисоките месечни зголемувања на цените на бензинот се забележани во Полска, од 17,2 проценти, Германија од 11 проценти и Шпанија од 7,1 процент.
Најголемите намалувања на цените се забележани во Шведска од 11,1 процент, Кипар од 5,4 проценти и Ирска од 4,1 процент, според податоците на Евростат, пренесува Политика.
Фото Економија и бизнис
