Во историскиот центар на Рим, место за автомобил од 34 квадратни метри достигна пазарна цена како за една вила. Пазарот на недвижности во Рим достигна необичен парадокс: рекордни цени повеќе не постигнуваат само станови и куќи, туку и нивните најмали делови – приватни паркинг места и гаражи, пренесува РТС.

Гаража од 34 квадратни метри, сместена во самото историско јадро на италијанската престолнина, беше продадена за 760.000 евра. Таа сума ја надминува цената на многу вили, а во многу римски населби е доволна за да се купи простран стан.

Имотот се наоѓа во областа Триденте, една од најпрестижните области на градот и најпознатите луксузни трговски улици.

Ексклузивната локација и хроничниот недостаток на приватни паркинг места во центарот на градот ја претворија обичната гаражно место во имот вреден цело богатство.

Во последните месеци, и други паркинг места во Рим достигнаа екстремно високи цени: простор од 12 квадратни метри во близина на Пјаца Навона беше продаден за 260.000 евра, паркинг во близина на Фонтаната Треви беше понуден за повеќе од 200.000 евра, додека гаражен простор во близина на Пантеон достигна цена од 300.000 евра.

Имањето приватно паркинг место во Рим станува сè повеќе привилегија. Главниот град на Италија има една од највисоките стапки на моторизација во земјата – околу 979 возила на 1.000 жители. Град кој се развивал со векови без простор за современиот број автомобили сега се соочува со хроничен недостаток на паркинг места.

Гаража од 34 квадратни метри во Триденте чини колку вила од околу 500 квадратни метри во населбата Кастел ди Гвидо.

Фото Економија и бизнис