Бизнис
ВО МАРКЕТИТЕ СЕ КРАДЕ ОД СЛАТКИ ДО СУВОМЕСНАТИ ПРОИЗВОДИ, пораст на кражбите во хрватските продавници
23.02.2025
Бројот на кражби во хрватските продавници се зголемил за 30 отсто во однос на минатата година, а полицијата секој ден регистрира најмалку седум случаи на кражби во трговски објекти, објави телевизија РТЛ.
- Сите крадат, се краде од слатки и сувомеснати производи, чипсови, сокови... Најчесто се крадат поскапите производи. Крадците повеќе не се ни срамат кога ќе бидат откриени, вели раководителка на продажба Влатка Влашиќ.
Поради недореченоста на законската регулатива едно лице може да биде фатено во кражба пет пати во еден ден и случајот да не биде процесуиран. Крадците ја користат законската граница од 132,72 евра и кражбата под овој износ се смета за прекршок. Во последно време има кражби и од малолетни лица инспирирани од предизвиците на социјалните мрежи.
Вработените во продавниците велат дека крадат сите од средношколци до пензионери. Најмногу кражби има во зимските месеци кога производите можат да се скријат под зимската облека. Имало случаи кога продавачите наоѓале под облеката суво месо и колбаси, пренесува „Новости“.
фото freepic