Вести
Економските предизвици и можности за меѓународна акредитација централни теми на 4-та меѓународна конференција на Економски Факултет-Скопје при Универзитетот „Св.Кирил и Методиј“ во Скопје
10.11.2023г.
На 9 и 10 ноември 2023 година на Економскиот факултет – Скопје при Универзитетот „Св.Кирил и Методиј“ во Скопје се одржува 4-та Меѓунарoдна конференција под наслов Economic and Business Trends Shaping the Future (https://ebtsf.eccf.ukim.edu.mk ).
Во рамки на оваа дводневна конференција учество ќе земат над 80 автори и ќе бидат презентирани над 30 научни труда. Воедно, Економскиот факултет – Скопје при Универзитетот „Св.Кирил и Методиј“ во Скопје со задоволство објавува дека во рамки на оваа конференција, на 9.11.2023 се реализираше информативен настан во соработка со AACSB (Association to Advance Collegiate Schools of Business). Оваа сесија имаше за цел да вклучи претставници од целиот регион во дискусии поврзани со напредокот во област на бизнис едукацијата и значењето на акредитацијата на AACSB. Во рамки на оваа сесија како главен гостин говорник, свое обраќање имаше професор Rон Тунинга, извршен директор на AACSB кој се фокусираше на виталниот развој и идните можности во сферата на интернационалната бизнис едукација, споделувајќи ги притоа своите значајни согледувања по однос на ова прашање поврзани со академските институции во регионот.
Со организација на овој панел, Економскиот факултет-Скопје покажа дека е посветен на промовирање на заедничките напори и споделување на знаења од област на бизнис едукацијата, со цел да се подигнат стандардите во оваа област во регионот.
Конференцијата се одржува во просториите на Економскиот факултет-Скопје, Универзитет „Св.Кирил и Методиј“ во Скопје, во паралелни сесии и ќе заврши на 10.11.2023 година.