Вести
Започнување на програмата „ЕУ за чист воздух“ финансирана од ЕУ
25.07.2023г.
Во среда, 26 јули 2023 година, во Јуроп Хаус Битола, амбасадорот Дејвид Гир, шеф на делегацијата на Европската унија и Микела Телатин, директорка на канцеларијата на УНОПС за Северна Македонија ќе ја започнат програмата „ЕУ за чист воздух“ преку церемонија на потпишување. Потпишувањето ќе се случи во присуство на Каја Шукова, министерка за животна средина и просторно планирање и Тони Коњановски, градоначалник на Битола.
Програмата „ЕУ за чист воздух“ има за цел да придонесе за намалување на емисиите на загадувачи и честички во Битола, Куманово, Скопје и Тетово, со што ќе се подобри квалитетот на воздухот во Северна Македонија. 794.540 жители од четирите урбани центри директно ќе имаат придобивка од: а).подобрени системи за греење во 70 (седумдесет) јавни згради (површина од 200.000 м2); б). испорака и инсталирање на 3 (три) станици за следење на квалитетот на воздухот и в). засадени 6.000 садници дрвја.
Само главниот град ќе добие 6 (шест) еколошки автобуси за јавен превоз и ќе биде предмет на физибилити студија за натамошно проширување на Системот за централно греење во Скопје.
Програмата „ЕУ за чист воздух“ произлегува од Европскиот зелен договор и целта Европа да стане првиот климатски неутрален континент до 2050 година. Буџетот од 10 милиони евра ќе се спроведува во период од 3 години (до 2026 година) под раководство на УНОПС.