Вести
Петер: Довербата во Русија како сигурен партнер и снабдувач на енергија е уништена засекогаш
Што очекувате од 2023 година?
Штефан Петер, претседател на Управниот одбор на ЕВН Македонија
Руско-украинска војна, енергетска криза, инфлација – ретко се случувало да има толку многу фактори на ризик како во изминатава година. А како ќе биде во 2023 година? Дури и да има мир меѓу Русија и Украина, довербата во Русија како сигурен партнер и снабдувач на енергија е уништена засекогаш. Ова, заедно со апсолутно неопходната и воедно скапата декарбонизација во производството на енергија, ќе го продолжи растот на цените на енергија во 2023 година. Само блага зима би дејствувала против овој тренд. Зборувајќи за временските прилики, како резултат на топлите есенски температури, а следствено на тоа и подоцнежен почеток на грејниот период, предвидувањата за европската економија во 2023 се подобрени. Но, ништо не е на исто ниво како во времето пред корона вирусот, барем нема да биде во 2023 година, година во која многу бизнисмени сè уште ќе треба да се борат, се надеваме дека не за опстанок. Дали ни преостанува нешто друго освен да се молиме за добри временски прилики? Секако дека да. Треба да имаме самодоверба во нашите способности за справување со кризи бидејќи, на крајот на краиштата, и оваа криза ќе помине.