Вести

Преку 30 награди за македонски вина на еден од најпознатите вински натпревари во светот

17.06.2022г.

Повеќе од 30 награди за македонски вина на Decanter World Wine Awards 2022 – еден од најпознатите и највлијателни вински натпревари во светот, каде вината се оценуваат од врвни вински експерти од целиот свет.

Како дел од наградените винарии се среќаваат: винарија Тиквеш, винарија Далвина, винарија Венец, винарија Пуклавец, винарија Камник.

Многубројните награди за македонските вина се показател за квалитетот на вината и врвните способности и вложениот труд на македонските производители на вино. Тие претставуваат огромно признание и дополнителен поттик.

Македонските винарии освоија еден платинест медал, четири златни медали, пет сребрени медали и 21 бронзен медал.

Платинест медал освои виното Мерак од винарија Тиквеш, а четири златни медали освоија вината: Барово црвено од винарија Тиквеш, 56 Резерва од винарија Венец, Хермес Каберне Совињон и Ар-Магедон Куве Барик од винарија Далвина. Медали освоија и вината: Куве Де Престиж од винарија Камник, Инстинкт Вранец од винарија Пуклавец, Кориа Темјаника од винарија Венец, Шардоне Домен Лепово од винарија Тиквеш.

 

За повеќе информации: contact@wom.mk

ПРЕПОРАЧАНО