Вести
Ам Бест ја потврди оценката „A“ на Групацијата Триглав
блиц свет
Агенцијата за кредитен рејтинг „АМ БЕСТ“ (AM Best), при редовниот годишен преглед, на „Заваровалница Триглав“ и на „Позаваровалница Триглав РЕ“ повторно им ги потврди бонитетната оценка „A“ (одлично) за финансиска моќ и долгорочната бонитетна оценка за кредитна способност на издавачот „A“. Бонитетните оценки имаат стабилна среднорочна прогноза и се одраз на очекувањата на агенцијата: „Триглав“ среднорочно да го зачува доброто работење, својата силна финансиска позиција и водечката пазарна улога во Словенија и во регионот каде што е присутна групацијата. Агенцијата ја оценува финансиската позиција на „Триглав“ како многу силна, а работењето како стабилно. Оценката за многу силна финансиска позиција се темели врз капитализираноста на Групацијата „Триглав“ прилагодена на ризиците и е на најсилното ниво. Агенцијата ги нагласува добрите деловни резултати на „Триглав“ во последниве години кои, по нејзина оценка, потекнуваат од одличниот осигурително-техничкиот резултат на неживотните осигурувања на домашниот пазар и соодветните приноси од инвестициите. „Заваровалница Триглав“ е водечка словенечка компанија која нуди класично осигурување и е матично друштво на Групацијата „Триглав“, кое е присутно и на македонскиот пазар.