Вести
НЛБ стана потписник на принципите за одговорно банкарство на Обединетите нации
блиц свет
Групацијата НЛБ стана потписник на принципите за одговорно банкарство на Обединетите нации со што се придружи на повеќе од 180 банки од целиот свет. Станува збор за принципи кои произлегуваат од партнерството меѓу банките и Обединетите нации, чија задача е воведување на концептот на одржливост во банкарската индустрија, а со тоa и индиректно влијаејќи во сите сегменти на општеството. „Ова е важен чекор што покажува дека навистина се грижиме за регионот во кој работиме и живееме и нè обврзува во континуитет да работиме на одржливоста на систематски и ангажиран начин. За нас Југоисточна Европа не е само место на картата, ние овој регион го нарекуваме и го третираме како наш дом“, истакна Блаж Бродњак, претседател на Управниот одбор на НЛБ Групацијата. Меѓу потписниците има многу реномирани финансиски институции од повеќе од 50 земји од шест континенти. Првите банки ги потпишаа принципите само пред една година и оттогаш бројот на потписници постојано се зголемува. Групацијата НЛБ е присутна и во Северна Македонија преку НЛБ Банка.