Вести
Се намалуваат проекциите за падот на германската економија поради Ковид
блиц свет
Падот на германската економија годинава ќе биде помал отколку што се предвидуваше и ќе изнесува 5,2 % според последната прогноза на Економскиот институт ИФО (Ifo Institute for Economic Research). Истражувачите од Институтот со седиште во Минхен предвидоа пад на бруто-домашниот производ од 6,7 % во летото на 2020 година, но падот во вториот квартал излезе помал од проектираниот, додека актуелното заздравување покажува неочекувано позитивни резултати, што упатува на позитивна ревизија од страна на Институтот. Во исто време, ИФО ја ревидираше надолу својата проекција за раст на БДП за следната година на 5,1 % наместо првично предвидената стапка од 6,4 проценти, додека за 2022 година предвидува раст од 1,7 %. Според новата анализа на Институтот, бројот на невработени ќе се зголеми од просечните 2,3 милиони лани на 2,7 милиони годинава; во 2021 година ќе следува намалување на 2,6 милиони за бројот на невработени да падне на два милиони во 2022 година. По долги години суфицити на буџетската сметка, Германија ќе прикаже дефицит и годинава и во следниве две години, прогнозира ИФО.