Вести
Формирано здружение на грчки бизниси во Северна Македонија
блиц Македонија
Заштита и промоција на економските и професионалните интереси на членовите – бизнисите и бизнисмените во земјава чии капитали потекнуваат од Република Грција, како и развој на односите меѓу бизнис-заедниците меѓу двете земји се целите на Здружението на грчки бизниси во Северна Македонија формирано во јуни оваа година во Скопје. Основачите на Здружението се 16 големи компании во нашава земја кои имаат мнозински грчки капитал. За претседател е избран Арис Влахос, додека пак во Управниот одбор учествуваат претставници на Стопанска банка АД Скопје, на ЕДС, на Усје и на Интракат. Според објавата која беше пласирана преку грчките медиуми, претседателот на здружението Арис Влахос изјавил „Се стремиме да станеме мост за комуникација меѓу бизнисите од двете земји и да ги браниме интересите на грчките компании во Северна Македонија“, додавајќи дека еден од приоритетите на Здружението е соработка со надлежните тела од двете земји.