Вести
Европски награди за банкарство (Europe Banking Awards) ја прогласи НЛБ за најдобра банка во земјава за 2019 година
блиц Македонија
НЛБ Банка АД Скопје на годинешните Европски награди за банкарство (Europe Banking Awards) за 2019 година ја доби четвртата по ред Награда за најдобра банка во земјава од финансискиот магазин ЕМЕА. Станува збор за реномираното списание кое ја доделува наградата и има уредничка визија да биде „независен глас“ на финансиската заедница користејќи високо ниво на новинарска етика и интегритет во пренесувањето на содржините на финансиската заедница. Критериумите и параметрите врз чија основа беа доделени овие престижни награди се однесуваат врз способноста на банките и на финансиските институции да овозможат иновативни производи и услуги, да покажат одлични резултати во инвестициското банкарство, како и способност и капацитет да функционираат како социјално одговорни компании во општеството од кое се дел. Инвестициите во дигитализацијата и новите технологии, подобрениот квалитет на средствата и посветеноста на сите вработени ѝ овозможија на НЛБ Банка и минатата година да оствари извонредни финансиски резултати. Банката постојано добива признанија за своите резултати и постигнувања и е континуирано препознаена како најнаградувана банка.