Вести
Шпаркасе банка го претстави спарки, новиот вајбер чет асистент
Во услови кога светот се справува со една од најголемите пандемии што досега се појавиле во човештвото, Шпаркасе банка Македонија воведе нов канал за директна комуникација со своите нови и постојни клиенти преку официјален „Вајбер чет“ (Viber Chat) асистент „Спарки“ (Sparky). Како една од мерките за поголема заштита на граѓаните од евентуално заразување и ширење на корона вирусот ковид-19, банката ја разви оваа алатка со која го олесни начинот на комуникација со нашите вработени. Апликацијата Вајбер, која е една од најомилените апликации во секојдневието на нашите сограѓани, сега им овозможува на едноставен начин преку „четување“ и без посета во експозитурите да ги добијат потребните информации за производите и за услугите што им се потребни, да поднесат онлајн барање, да закажат онлајн состанок или, пак, да постават прашање. Како дел од големото семејство на австриската групација на Штаермеркише Шпаркасе и Групацијата Ерсте, Шпаркасе банка Македонија континуирано ги следи трендовите во банкарството и се стреми да стане еден од предводниците во развојот на дигиталните услуги во Република Северна Македонија.