Вести

ЕУ собра преку шест милијарди евра донации за борба против ковид-19

блиц свет

На втората Меѓународна донаторска конференција за борба против коронавирусот, свикана од претседателот на Европската комисија Урсула фон дер Лаејн, беа собрани 6,15 милијарди евра од Европската Унија, САД и други држави. Европската комисија заедно со Европската инвестициска банка за борба против ковид-19 ветија дека ќе дадат 4,9 милијарди евра, Германија 383 милиони евра, САД 545 милиони долари, Канада 219 милиони долари и Катар 10 милиони долари. На самитот присуствуваа претставници на 40 влади. Собраните пари ќе бидат искористени за тестирање на ковид-19, третман, развој и производство на вакцина, како и за помош на најсиромашните заедници. На конференцијата што се одржа во рамките на заедничката иницијатива на Европската комисија и организацијата „Глобален граѓанин“ се одржа и концерт за прибирање финансиски средства. Бројни sвезди учествуваа на концертот, меѓу кои Мајли Сајрус, Џастин Бибер, Шакира, Ашер, а настанот телевизиите го пренесуваа на глобално ниво. Претседателот на ЕК, Фон дер Лаејн, рече дека е од клучно значење секому кому му е потребна вакцина да може да се снабди со неа. 

ПРЕПОРАЧАНО

Најчитано