За време на мировните преговори во Исламабад што се одржаа минатиот викенд, САД побараа од Иран 20-годишна суспензија на збогатувањето ураниум.

Иранците, во официјален одговор испратен во понеделник, рекоа дека ќе се согласат период до пет години, според двајца високи ирански функционери и еден американски функционер, објави „Њујорк тајмс“.

Трамп ја отфрли таа понуда, рече американскиот функционер, објави истиот извор.

Функционерот рече дека САД, исто така, побарале од Иран да го отстрани високо збогатениот ураниум од земјата, за кој Иранците инсистираа дека треба да остане во Иран. Но, тие понудија значително да го разредат, за да не може да се користи за производство на нуклеарно оружје.

Се дискутира и уште една рунда лични разговори, но официјалните лица велат дека не се финализирани планови.

Белата куќа одби да каже дали се разгледуваат нови разговори со Иран.

„Претседателот Трамп, потпретседателот Венс и преговарачкиот тим јасно ги дефинираа црвените линии на Америка“, рече портпаролката Каролин Ливит, пренесува Сеебиз.

Фото Економија и бизнис