Американските аеродроми би можеле да се соочат со уште еден бран долги редици на безбедносните контролни пунктови уште во мај, откако американскиот секретар за внатрешна безбедност, Марквејн Малин, денес предупреди дека 50.000 вработени ќе останат без средства поради делумно затворање на владата.

На крајот на март, американскиот претседател Доналд Трамп му нареди на Министерството за внатрешна безбедност (DHS) да користи средства за итни случаи за да ги плати вработените во Администрацијата за безбедност на транспортот (TSA), кои беа без плата околу шест недели, што предизвика прекини на американските аеродроми.

Малин изјави за Фокс њуз дека тие средства ќе бидат исцрпени на почетокот на мај.

„Тие средства ќе бидат потрошени ако продолжиме по овој пат до првата недела од мај, бидејќи мојот буџет за плати во DHS е нешто над 1,6 милијарди долари на секои две недели“, рече Малин.

Тој додаде дека по следната исплата, „нема повеќе фонд за итни случаи, па претседателот не може да издаде друга извршна наредба за користење на парите, бидејќи тие пари веќе ги нема“.

Вработените во TSA, исто така, останаа без плата шест недели минатата есен за време на претходното делумно затворање на владата. Во март, еднонеделниот застој во Конгресот доведе до безбедносни редици на некои аеродроми што траеја повеќе од четири часа, пренесува Еуроњуз Србија.

Фото Економија и бизнис