Само во последната недела, според евиденцијата на Асоцијацијата за меѓународен транспорт, повеќе од 50 српски возачи беа вратени од границите на Шенген. Иако нацрт-стратегијата на ЕУ за визи и брифинзите што следеа јасно ставија до знаење дека професионалните возачи на камиони се препознаваат како посебна категорија луѓе на кои им е потребен подолг период на престој од сегашните 90 до 180 дена, очигледно е дека во Европската комисија и меѓу земјите-членки нема волја и желба да се реши овој проблем“, се вели во објавата на веб-страницата на асоцијацијата.

Aсоцијација за меѓународен транспорт објави дека дури и по неколкумесечна борба и апели за итно решение на проблемот со ограничениот период на престој на професионалните возачи во земјите од Шенген зоната, возачите од Западен Балкан сè уште се апсат, депортираат и им е забранет влез во земјите од Шенген зоната.

Како што наведуваат, од јануарските протести не е дадено ниту едно ефикасно и конкретно решение, и поради ова, транспортерите заедно со нивните вработени се принудени да се борат за егзистенција со единствениот преостанат механизам, а тоа е протест што ќе започне на 14 септември 2026 година на сите гранични премини кон ЕУ заедно со колегите од Босна и Херцеговина, Црна Гора и Македонија.

„Како последен повик за разум до Европската комисија и земјите-членки на Шенген, ќе се одржи мирен јавен собир пред седиштето на Делегацијата на ЕУ во сите четири земји – Босна и Херцеговина, Црна Гора, Македонија и Србија, а транспортерите и возачите ќе предадат иста официјална покана во која апелираат за последен пат да не им се дозволи на транспортерите и возачите да бараат решение во протестите на границите“, се нагласува во соопштението, пренесува Еуроњуз Србија.

Фото Економија и бизнис